“>ဘုရားကြီး၏ရင်ပြင်တော်ရှေ့တွင် အာရုဏ်ခံတန်ဆောင်းကြီးရှိပြီး အတွင်း၌ မနူဟာသပိတ်ကြီးရှိပါသည်။ မနူဟာသပိတ်ကြီးသည် ဆင်းတုတော်များ တည်ထားချိန် နှင့်အပြိုင် ပြုလုပ်ခဲ့ခြင်းဖြစ်ပါသည်။ ဆင်းတုတော်ကြီးများ တည်ဆောက်ပြီးစီး၍ ဗုဒ္ဓါ ဘိသေက အနေကဇာတင်ချိန်တွင် ဆွမ်းအပြည့်လောင်း၍ ဆွမ်းကပ်ခဲ့သော သပိတ်ကြီး ဖြစ်ပါသည်။ မနူဟာသပိတ်ကြီး၏ အရွယ်အစားမှာ အကျယ်အဝန်း (၃)ပေ (၁၀)လက်မ၊ အမြင့် (၃)ပေ (၁၀)လက်မ၊ ထု(၁)ပေ (၅)လက်မ ရှိပါသည်။ အောက်သပိတ်ခြေ အပါ အဝင် အမြင့် (၇)ပေ (၅)လက်မခန့်ရှိပါသည်။ သပိတ်ကြီးကို ဆွမ်းလောင်းလှူဒါန်းလိုလျင် ဆန်စိမ်း(၁၇)တင်းချက်၍ရသော ချက်ပြီးဆွမ်း တင်းပေါင်း (၄၀)ခန့် ဝင်ဆန့်ပါသည်။