ဘုရားလိုဏ်ဂူတော်အထဲသို့ ဝင်ရောက်ဖူးမြော်နိုင်ရန် အရှေ့ဘက်တွင် တန်ဆောင်း မုခ်ဦးတစ်ခုရှိသည်။ ဘုရားလိုဏ်ဂူတော်၏ ဉာဏ်တော်အမြင့်မှာ ဖိနပ်မှ ငှက်ပျောဖူးထိ(၄၅)ပေရှိပါသည်။ ပစ္စယံတွင် (၃)ဆင့်ရှိပြီး အလယ်ပစ္စယံတွင် အရံစေတီ(၄)ဆူကို ထောင့်(၄)ထောင့်တွင်  (၁)ဆူစီတွေ့ရှိရပါသည်။
ဘုရားလိုဏ်ဂူအလည်တည့်တည့်တွင် လေးထောင့်ပုံသဏ္ဍာန် အလယ်မဏ္ဍိုင်ရှိပါ သည်။ အလယ်မဏ္ဍိုင်တစ်ဖက်တစ်ချက်စီတွင် ဗုဒ္ဓရုပ်ပွားတော်တစ်ဆူစီ သီတင်းသုံးလျှက် ရှိသည်။ အလယ်မဏ္ဍိုင်၏ပလ္လင်ပေါ်တွင် သီတင်းသုံးလျှက်ရှိသော ရုပ်ပွားတော်များမှာ စုစုပေါင်း (၄)ဆူရှိပါသည်။