နှစ်စဉ်နှစ်တိုင်း တော်သလင်းလဆန်း(၁၄၊ ၁၅) ရက်နေ့များတွင် တုရင်တောင်စေတီတော်မြတ် ကြီး၏ ဗုဒ္ဓပူဇနိယ ဘုရားပွဲတော်ကို ကျင်းပပြုလုပ်လျှက်ရှိပါသည်။ တော်သလင်းလဆန်း (၉) ရက်နေ့မှ (၁၄)ရက်နေ့အထိ (၅)ရက်တိုင်တိုင် အသံမစဲမဟာပဌာန်းပွဲများကို ကျင်းပပါသည်။ (၁၅)ရက်နေ့ နံနက် တွင် တုရင်တောင်ဘုရားကြီး၏ ရင်ပြင်တော်၌ ပင့်သံဃာ (၇၆) ပါးတို့ဖြင့် စေတီတော်ကြီးအား ဗုဒ္ဓါ ဘိသေကအနေကဇာတင်ခြင်းနှင့် ပင့်သံဃာတော်တို့အား  ဆွမ်းသပိတ်လုံးများ၊ ပဒေသာပင်များကို လောင်းလှူကြပါသည်။