စောရဟန်သိမ်ဟု လူသိများသော ပုဂံခေတ်သိမ်နှင့် ရင်ကွဲဘုရားခေါ်နေကြသော ပုထိုးကြီး(ရွှေဂူကြီး)ဘုရားရှိပါသည်။ တုရင်တောင်၏ ကျက်သရေကိုဆောင်သော ထူးခြားမှုကား ဘုရားရှင် အမှူးရှိသော ရဟန္တာ (၅၀၀)တို့ ဒေသစာရီကြွချီတော်မူနေသော ရုပ်ပွားတော်များကို ဖူးမြော်နိုင်ခြင်းပင် ဖြစ်ပါသည်။
သာသနာတော်နှစ် ၁၁၅၇၊ ကောဇာသက္ကရာဇ် ၅၃၅ ခုနှစ်၊ ခရစ်သက္ကရာဇ် ၆၁၃ ခုနှစ်တွင် ထီးနန်းကိုစိုးစံသော ပုပ္ပားစောရဟန်မင်း (သိင်္ဃရာဇ်မင်း) လက်ထက်တွင် တည်ထားကိုးကွယ်တော် မူခဲ့သည့် စောရဟန်သိမ်ပျက်ခဲ့သည့်အတွက် တုရင်တောင်စေတီတော်ကြီးအနီးရှိ ကျောက်စာရုံတွင်မှတ်တမ်းပြုထားသည့် ကျောက်စာတွင် စောရဟန်သိမ်ပျက်ခဲ့ကြောင်း မောင်နှုတ်ဆက်အမွှမ်းရ အိုအ်ပန်ဦးသင်နှင့် စာချီပို နှစ်ဦးတို့ကြားသိရကား၊ ဥဇနာမင်းကြီးနန်းတက်၍ (၁)နှစ်ကြာသောအခါ မင်းကြီးထံမှ ခွင့်တောင်းပြီး၊ ဤသိမ်ကို ထပ်မံဆောက်လုပ်ခဲ့သည်။ သက္ကရာဇ် ၅၇၄ ကြာတိုက်နှစ် နယုန်လဆန်း(၁၂)ရက်၊ တနင်္ဂနွေနေ့တွင် သိမ်ကိုစတင်ဆောက်လုပ်၍ မင်းဆရာသခင် ဓမ္မသီရိက သိမ်သမုတ်သည်။ သိမ်ဆောက်လုပ်သူများမှာ စိတ္တြဗိစည်း ပေါက်ပေါရမံနှင့် ဗိသုကာ ငချံသင် တို့ဖြစ်သည်။ သိမ်ဆောက်ပြီးသောအခါ သံဃာတို့အတွက် ဝါဆိုမှဝါကျွတ်တိုင်အောင် ဆွမ်း၊ ပျား၊ နွားနို့၊ ရနံ့၊ ကွမ်းသီးတို့လှူသည်။ သင်းပိုင်၊ ဒုကုဋ်တို့လည်း လှူသည်။ ဤသိမ်ကို ဘုန်းတော်ကြီး သတ်တျာ ငါလှောက်သင် လက်ထက်တွင် ဆောက်လုပ်ခြင်းဖြစ်သည်ဟု ပြန်လည်ကုသိုလ်ပြုထားသည့် ကုသိုလ် ရှင်၏ ကောင်းမှုစာတမ်းကို တုရင်တောင်စွယ်တော်မြတ်စေတီတော်ကြီးအခြေရှိ ကျေက်စာရုံတွင် ယခုအထိ ထိန်းသိမ်းထားရှိပါသည်။