ဓမ္မရာဇကစေတီတော်မြတ်ကြီး၏ အရှေ့ဘက်ကြေးဂူတိုက်အတွင်းမှာ အနော်ရထာ မင်းလက်ထက်တွင် ထုလုပ်သော ဉာဏ်တော် (၅)ပေခန့်ရှိ  အဓိဋ္ဌာန်ဆုတောင်းပြည့် ရေသွန်း ခံကျောက်ဆင်းတု ဗုဒ္ဓရုပ်ပွားတော်ကြီးတစ်ဆူကို ဖူးတွေ့နိုင်ပါသည်။ ဆုတောင်းပြည့် ကျောက်ဆင်းတုတော်မှာ ရေသွန်းခံရုပ်ပွား ဆင်းတုတော်ကြီးဖြစ်ရာ မိုးခေါင်သောအခါ၌ အနီးအနားရှိ ရွာများမှ ယာသမားများ လာရောက်ရေသွန်း (ရေသပ္ပာယ်)ရုံနှင့် မိုးရွာခြင်း များဖြစ်ပေါ်သည့် ထူးခြားမှုများကိုတွေ့ရပါသည်။
တောင်ဘက်ကြေးဂူတိုက်အတွင်း၌လည်း ထိုဆင်းတုတော်ကြီးနှင့် ပုံတူ (၃) ပေ သာသာခန့် ကျောက်ရုပ်ပွားတော် (၁) ဆူကိုလည်းဖူးတွေ့နိုင်ပါသည်။ တောင်ဘက်ကြေးဂူ တိုက်အတွင်းရှိ ဆုတောင်းပြည့်ကျောက်ဆင်းတုတော်မှာ ရွှေသင်္ကန်း ကပ်လှူသူမှန်သမျှ အဓိဋ္ဌာန်ဆုတောင်းပြည့်ကြပါသည်။ ပုဂံတွင် အနောရထာမင်းလက်ထက် အဓိဋ္ဌာန်ဆုတောင်းဆင်းတုတော် (၅)ဆူရှိရာ ဓမ္မရာဇကစေတီတော်မြတ်ကြီးတွင် (၂) ဆူ ပါဝင်သည်ကို ဖူးတွေ့ ကြည်ညိုနိုင်ပါသည်။